Samarqandda Fransiya Prezidentini tantanali kutib olish marosimi bo’ldi

Samarqandda Fransiya Prezidentini tantanali kutib olish marosimi bo’ldi

TOSHKЕNT, 2-noyabr. /«Dunyo» AA/. O’zbekiston Prezidenti Shavkat Mirziyoyevning taklifiga binoan Fransiya Prezidenti Emmanuel Makron rasmiy tashrif bilan mamlakatimizda bo’lib turibdi, deb xabar bermoqda «Dunyo» AA muxbiri.

Davlatimiz rahbari matbuot xizmati ma’lumotiga ko’ra, bugun Samarqand shahrida tashrifning asosiy tadbirlari Fransiya yetakchisini rasmiy kutib olish marosimidan boshlandi.

Kongress markazi oldidagi maydonda faxriy qorovul saf tortdi.

O’zbekiston Prezidenti oliy martabali mehmonni samimiy qarshi oldi va shohsupaga taklif qildi.

Harbiy orkestr ijrosida ikki mamlakat madhiyalari yangradi. Faxriy qorovul davlat rahbarlari oldidan tantanali yurib o’tdi.

O’zbekiston va Fransiya Prezidentlari rasmiy delegatsiyalar a’zolarini qutladilar.

So’ng oliy darajadagi muzokaralar boshlandi.