Тошкент шаҳрида 17-Марказий Осиё халқаро тўқимачилик ускуналари – “CAITME 2026” кўргазмаси бўлиб ўтади. Ушбу тадбир анъанавий “Global Textile Days” ҳафталиги доирасида ташкил этилади.
“CAITME 2026” Марказий Осиёдаги тўқимачилик ва тикувчилик саноати учун муҳим воқеа бўлиб, мустақил аудит натижаларига кўра, МДҲ мамлакатларидаги бундай форматдаги энг йирик ихтисослаштирилган кўргазма ҳисобланади.
Кўргазма минтақанинг тўқимачилик ва тикувчилик соҳасини жиҳозлаш ва модернизация қилишда муҳим ўрин тутади, ишлаб чиқарувчиларга самарадорликни ошириш, илғор технологияларни жорий этиш ва халқаро бозорларда рақобатбардошликни мустаҳкамлашга ёрдам беради.
Жорий йилда кўргазмада қарийб 20 мамлакатдан 250 та компания ва бренд иштирок этади. Германия миллий павильон павильон тақдим этади, шунингдек, Австрия, Ҳиндистон, Италия, Хитой, Туркия, АҚШ, Швейцария ва бошқа етакчи тўқимачилик давлатларидан компаниялар.
Ўтган йиллардагидек, кўргазмада тўқимачилик ускуналари ишлаб чиқариш соҳасидаги таниқли жаҳон етакчилари, Европа ва Осиёдан илғор технологиялар етказиб берувчиларининг фаол иштироки кутилмоқда.
Жумладан, Rieter, Uster, Novibra, SSM, Spindelfabrik Sussen, Toyota, Muratec, Truetzschler, Saurer, Picanol, Santoni, Terrot, Habasit, MHMS, Vandewiele NV, Karl Mayer, Staubli, IRO, Biancalani, Ferraro, Epson, Zimmer Austria, Mario Crosta, Itema, Lafer, Motex Di Modiano Guido, Salvade`, Simet, Dettin, Sclavos, Effe, Mahlo, Lonati, Shima Seiki, Andritz Küsters, Brückner, Carl Schmale, Sossna, Texpa, Thies, Groz-Beckert KG, Kaeser Kompressoren, Schott & Meissner, Textima, Tetas, Temsan, Lakshmi Machine Works, Lakshmi Card Clothing, Precitex, Kansai, Brazzoli, Eliar, Guven Celik, West Global, CTMTC, Hengyi, Leadsfon, Rifa, Yingyang, Baoyu, Dyestar, NF Kimya, Eksoy, Deniz Kimya ва бошқа кўплаб компаниялар тақдимотлар ўтказади.
Кўргазма ташкилотчиларининг маълумотига кўра, 9 сентябрь куни бўлиб ўтадиган “TextileExpo Uzbekistan Sourcing Hub” инновацион лойиҳаси кўпчиликда катта қизиқиш уйғотади. Бунда Ўзбекистонда илк бор тўқимачилик ишлаб чиқарувчилари ва савдо тармоқлари, фабрикалар ҳамда ихтисослаштирилган компаниялар харидорлари сунъий интеллект ёрдамида рақамли форматда тўғридан-тўғри B2B музокаралар ўтказиши мумкин бўлади.