2026 йилнинг 10-12 ноябрь кунлари Тошкент шаҳрида “Таълим ва таълим технологиялари – TaʼlimExpo/ISUE” халқаро кўргазмаси бўлиб ўтади.
“Янги Ўзбекистон” тараққиёт стратегиясининг асосий йўналишларидан бири бўлган таълим тизимида кенг кўламли ислоҳотлар мамлакатимизда амалга оширилмоқда. Президентимиз Шавкат Мирзиёев таълим мамлакатни модернизация қилиш, ёшларни ХХI аср муаммоларига тайёрлаш пойдевори эканлигини қайта-қайта таъкидлади. Сўнгги йилларда мамлакатимизда янги таълим стандартлари фаол татбиқ этилмоқда, замонавий мактаб ва олий ўқув юртлари барпо этилмоқда, рақамли технологиялар жорий этилмоқда, талаб юқори бўлган касб-ҳунарларни тайёрлаш дастурлари амалга оширилмоқда. 2026 йилнинг “Ёшларни замонавий касб-ҳунарларга ўргатиш йили” деб эълон қилиниши рамзий қадам бўлди.
Ушбу ўзгаришлар фонида 2026 йилнинг 10-12 ноябрь кунлари Тошкент шаҳрида “Таълим ва таълим технологиялари – TaʼlimExpo/ISUE” кўргазмаси бўлиб ўтади.
Тадбирда таълим муассасалари, “EdTech” компаниялари, давлат ва халқаро ташкилотлар, бизнес ҳамжамияти, академик доиралар ва экспертлар инсон капиталини ривожлантиришнинг стратегик йўлларини – мактабгача таълим ва мактаб таълимидан тортиб, тез ўзгариб бораётган меҳнат бозорида мутахассисларни касбий қайта тайёрлаш ва малакасини оширишгача бўлган стратегик йўлларни муҳокама қилиш учун йиғилишади.
Узлуксиз таълим, ўқув жараёнига инновацион технологияларни жорий этиш, “soft” ва “digital skills”ни ривожлантириш, малакали кадрлар тайёрлашда давлат ва бизнес ҳамкорлиги ечимларини излашга алоҳида эътибор қаратилади.
“TaʼlimExpo/ISUE” барқарор иқтисодий ўсиш ва мамлакат рақобатбардошлигини ошириш мақсадларига мос келадиган таълим соҳасини ривожлантириш учун илғор таълим ечимларини намойиш этиш ва янги ёндашувларни рағбатлантириш учун йиллик платформага айланади.
Кўргазма ташкилотчилари “Iteca Exhibitions” халқаро кўргазма компанияси ва унинг ҳамкори “Сongresses of Сentral Аsia – ССА” ҳисобланади. Давлатимиз раҳбарининг таълим тизимини ислоҳ қилиш борасидаги ташаббусларидан руҳланган тарзда улар ўзларининг учинчи таълим кўргазмасини қайта тикламоқда. Мазкур тадбир компаниянинг иқтисодиёт ва ижтимоий ҳаётнинг стратегик муҳим йўналишлари бўйича лойиҳалари портфелини кенгайтирмоқда.